E diel, 18.11.2018
Impresum - Marketing - Arkiva - Kontakt

Yll Press

Takimi, siç informoi Kabineti i presidentit Ivanov, iu dedikua shqyrtimit të marrëdhënieve midis dy shteteve, në kontekst të urimeve dhe takimeve të larta të kreut shtetëror, të cilat kontribuojnë për cilësi të re në marrëdhëniet midis Maqedonisë dhe Izraelit.
Maqedonia thellon bashkëpunimin me Izrailin








Presdienti Ivanov e priti ministrin e Punëve të Jashtme të Izraelit Avigdor Liberman

Lidhjet e thella historike midis dy popujve dhe fatet e ngjashme të cilat i ndajnë janë moment i rëndësishëm i cili kontribuon për mirëkuptimin e ndërsjellë midis Maqedonisë dhe Izraelit, konstatuan presidenti i Republikës së Maqedonisë Gjorge Ivanov dhe ministri i Punëve të Jashtme i Izraelit, Avigdor Liberman në takimin e sotëm në Shkup.

Takimi, siç informoi Kabineti i presidentit Ivanov, iu dedikua shqyrtimit të marrëdhënieve midis dy shteteve, në kontekst të urimeve dhe takimeve të larta të kreut shtetëror, të cilat kontribuojnë për cilësi të re në marrëdhëniet midis Maqedonisë dhe Izraelit.

Presidenti Ivanov, i cili e vizitoi Izraelin në tetor të vitit të kaluar, theksoi se të dy vendet kanë marrëdhënie të shkëlqyeshme bilaterale dhe e shprehi kënaqësinë nga bashkëpunimi në drejtim të sigurisë, zhvillimit demokratik dhe përparimit ekonomik. Ai i theksoi qëndrimet e Maqedonisë lidhur me dallimin rreth emrit me fqiun tonë jugor, të cilin Greqia e imponoi si parakusht për integrimet e Maqedonisë në NATO dhe Bashkimin Evropian. Presidenti potencoi se me anëtarësimin e Maqedonisë në NATO dhe BR, do të jepet kontribut i madh drejt zhvillimit ekonomik dhe drejt zgjerimit të stabilitetit në hapësirën e Evropës Juglindore.

Ministri Liberman theksoi se Maqedonia është shtet i cili kontribuon, jo vetëm drejt stabilitetit rajonal dhe sigurisë, por ajo ka edhe pjesë të rëndësishme në sigurinë ndërkombëtare me pjesëmarrjen e saj në misionet paqeruajtëse në zonat botërore në krizë, por edhe nëpërmjet modelit të saj unikat të demokracisë, tolerancës dhe bashkëjetesës.

Në kuadër të angazhimit për përforcim të bashkëpunimit ekonomik të dy ekonomive, presidenti Ivanov e përshëndeti inkuadrimin e përfaqësuesve të kompanive izraelite në delegacionin e ministrit Liberman. Presidenti e përsëriti interesimin e republikës së Maqedonisë për bashkëpunim me kompanitë e larta izraelite nga sfera e teknologjisë së lartë, bujqësisë dhe degëve tjera.

Kryeministri Gruevski u takua me ministrin izraelit të Punëve të Jashtme, Liberman

Intensifikimi i bashkëpunimit ekonomik midis Maqedonisë dhe Izraelit dhe thellimi i i marrëdhënieve ekonomike ishin tema kryesore e bisedës së takimit të sotëm në Shkup midis kryeministrit Nikolla Gruevski dhe ministrin izraelit të Punëve të Jashtme Avigdor Liberman.

Në takim, siç informoi Sektori për marrëdhënie me opinionin i Qeverisë së Republikës së Maqedonisë, janë përshëndetur dhe theksuar marrëdhëniet e shkëlqyeshme politike të cilat mbretërojnë në marrëdhëniet mes dy vendeve dhe është përsëritur se midis dy shteteve nuk ka çështje të hapura.
Maqedonia thellon bashkëpunimin me Izrailin

Kryetari i Qeverisë i theksoi reformat të cilat Republika e Maqedonisë i zbaton në drejtim të modernizimit të vendit dhe sigurimin e kushteve për tërheqje të investimeve dhe krijimin e biznes klimës të mirë.

Ministri Liberman e theksoi falënderimin për kujdesin e Republikës së Maqedonisë ndaj pjesëtarëve të bashkësisë hebrenje dhe respektimin e përparimit të të drejtave dhe interesave të tyre kulturore.

Dy bashkëbiseduesit shkëmbyen mendime edhe për përparimin konkret të bashkëpunimit ekonomik, me theks në fushën e zhvillimit të turizmit, bashkëpunimin në sferën e bujqësisë dhe shëndetësisë publike, si dhe këmbimin e përvojave në sferën e arsimit.

Dimovski - Divon: Maqedonia dhe Izraeli ta thellojnë bashkëpunimin në bujqësi

Ministri i Bujqësisë, Pylltarisë dhe Ekonomisë së Ujrave, Lupço Dimovski sot u takua me Haim Divon, ambasador i Izraelit në Republikën e Maqedonisë dhe drejtor i Qendrës për bashkëpunim ndërkombëtar të Izraelit.

Siç njoftoi Ministria e Bujqësisë, Dimovski dhe Divon kanë konstatuar se bashkëpunimi i Maqedonisë dhe Izraelit është në nivel të lartë, por, në sferën e prodhimtarisë bujqësore mund të thellohet, para se gjithash, nëpërmjet organizimit të trajnimit ekspert për agro sektorë të caktuar.

Sipas Dimovskit dhe Divonit, për përparim evident në zhvillimin e prodhimtarisë bujqësore, më e rëndësishme është që fillimisht të bashkohen prodhuesit, ndërsa pastaj edhe shkenca dhe instituionet shtetërore kompetente.

"Qeveria jep mbështetje financiare për zhvillimin e prodhimtarisë primare dhe për organizim të bujqëve me qëllim që ata më lehtë të adaptohen në kushte të reja të prodhimtarisë dhe ekonomizim dhe në mënyrë më të sigurtë dhe më të shpejtë t'i plasojnë prodhimet në tregjet evropiane. Nëpërmjet programeve për mbështetje financiare, i japim mbështetje edhe zhvillimit rural, prodhimtarisë organike ku shohim potencial të madh", tha ministri Dimovski.

Ai ka informuar se filloi procesi i transformimit të bashkësive të ujit që realizohet në bashkëpunim me Bankën Botërore, ndërsa në fazën përfundimtare janë edhe disa investime kapitale me të cilat di të ujiten rreth 20.000 hektarë sipërfaqe bujqësore nëpërmjet sistemeve më bashkëkohore për ujitje.

Publikuar: 04.05.2010 | 03:51
Lexuar: 992 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime