E premte, 14.12.2018
Impresum - Marketing - Arkiva - Kontakt

Yll Press

Autoritetet boshnjake bëjnë të ditur se mes tyre janë dhe Jerko Ivankovic Lijanovic dhe Milorad Bahilj, përkatësisht ministrat e agrikolturës dhe të tregëtisë në federatën autonome Boshnjako-Kroate.
Bosnjë, arrestohen dy ministra dhe një deputet për korrupsion


Policia e Bosnjës arrestoi sot 11 persona, pazi akuzohen për pjesëmarrje në krim të organizuar dhe evazion fiskal, mes tyre edhe dy ministra dhe një deputet.

Autoritetet boshnjake bëjnë të ditur se mes tyre janë dhe Jerko Ivankovic Lijanovic dhe Milorad Bahilj, përkatësisht ministrat e agrikolturës dhe të tregëtisë në federatën autonome Boshnjako-Kroate.

Policia Boshnjake ka arrestuar edhe të vëllain e Jerkos, Mladen Ivankovic Lijanovic, deputet në parlamentin e vendit dhe gjithashtu lider i partisë ku aderojnë të gjithë të arrestuarit.

Zëvendës kryetari i partisë në fjalë, Mersed Serifovic ka hedhur hipotezën se këto arrestime mund të jenë bërë për arsye politike. Pas një muaji, më 12 tetor të këtij viti, në Bosnjë do të mbahen zgjedhjet presidenciale dhe gjithashtu ato parlamentare.

Ndërsa autoritet shprehen qartë se të arrestuarit janë të dyshuar për evazion fiskal, pastrim parash dhe bashkëpunim me krimin e organizuar pasi janë dhe pronarë të disa kompanive private. Këto të fundit vepronin në fushën e trajtimit të mishit dhe pasi kishin hyrë në borxhe të mëdha me shtetin, mbyllën aktivitetin pa i paguar detyrimet.

Qeveria e vendit po bën përpjekje prej vitesh, në kuadër dhe të prespektivës për të hyrë në BE, në luftën kundër krimit të organizuar në rradhët e funksionarëve të lartë, i cili ka rilindur fuqishëm pas luftës së viteve 1992-1995.

Publikuar: 10.09.2014 | 20:55
Lexuar: 641 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime