E hënë, 17.12.2018
Impresum - Marketing - Arkiva - Kontakt

Yll Press

Pas paraqitjes dëshpëruese në Euro 2008 dhe Kupën e Konfederatave, tifozët italianë nuk besojnë se ekipi aktual mund të përsërisë triumfin e katër viteve më parë, mirëpo skepticizmi mund të bëhet armë e fuqishme për Italinë.
Italia është Itali













Kampioni aktual i botës nuk ka nevojë për njoftim. Pas Brazilit, Italia është kombëtarja më e suksesshme në planet me katër tituj. Triumfin e fundit e arritën në Gjermani më 2006 duke befasuar mbarë botën e futbollit.

Pas paraqitjes dëshpëruese në Euro 2008 dhe Kupën e Konfederatave, tifozët italianë nuk besojnë se ekipi aktual mund të përsërisë triumfin e katër viteve më parë, mirëpo skepticizmi mund të bëhet armë e fuqishme për Italinë.

Kualifikimi
Italia siguroi kualifikimin një ndeshje para përfundimit të kampanjës në Grupin 8. Azzurrët rrallëherë treguan paraqitje të lëvdueshme, por pavarësisht kësaj ishin të pamposhtur.

Pikët e forta
Marcello Lippi gjithmonë e përmend kolektivin e ekipit. Ai nuk veçon individë dhe kjo tregon se fuqia e përgjithshme është veçoria kryesore e Azzurrëve. Sikurse më 2006, Italia ka mbrojtje të fuqishme të udhëhequr nga treshja e Juventusit, Buffon, Cannavaro dhe Chiellini.

Pikët e dobëta
Problemi kryesor i Italisë është sulmi. Ekipit i mungon një sulmues i klasit botëror si Messi ose Torres. Gilardino, Iaquinta dhe Di Natale janë futbollistë të mirë, por ata nuk duket të jenë vendimtarë.

Trajneri
Marcello Lippi është fitues. Titujt që ka fituar deri më tani gjatë karrierës së tij meritojnë respekt në mbarë botën: nga Serie A te Liga e Kampionëve, nga Kupa Interkontinentale te Kampionati botëror, asgjë nuk i mungon. Ai ka ide të qarta dhe principet e tij të cilat nuk i ndryshon. Për këtë arsye ai nuk përkrahet nga disa tifozë italianë, pavarësisht triumfit në Gjermania 2006.

Yjet e ekipit
Portieri Gianluigi Buffon është kthyer në formë të mirë fizike dhe së fundmi ka thënë se ende ndihet si numër 1 në botë. Paraqitja e tij është vendimtare për Italinë, ai ishte njëri prej heronjve më të mëdhenj në Gjermani. Kapiteni Fabio Cannavaro është ende lider i ekipit, por aktualisht qendërmbrojtësi më i mirë italian është Giorgio Chiellini.

Ai është zhvilluar jashtëzakonisht në sezonet e fundit duke siguruar statusin e titullarit për Italinë dhe Juventusin. Ndërsa, kur Andrea Pirlo luan mirë, atëherë i tillë është edhe i gjithë ekipi. Kjo rregull vlen për Italinë dhe Milanin.

Momenti më i mirë në histori
Suksesi nga vitet 1982 dhe 2006 janë të paharruara. Gjatë Spanjës 82’, Azzurrët mposhtën Argjentinën, Brazilin dhe Gjermaninë, disa prej kombëtareve më të mira në botë. Gjermania 2006 ishte triumf në prag të skandalit Calciopoli.

Objektivi në Botërorin 2010
Kampioni i botës duhet të mbrojë titullin, pa arsyetim. Eliminimi para gjysmëfinales do të konsiderohet dështim total.

Gjasat për të kaluar në rrethin e dytë: 84.3 %
Gjasat për të kaluar në çerekfinale: 43.0 %
Gjasat për të kaluar në gjysmëfinale: 17.6 %
Gjasat për të kaluar në finale: 8.7 %
Gjasat për ta fituar titullin: 3.6 %
/express/

Publikuar: 31.05.2010 | 05:40
Lexuar: 3126 herë
Printo PDF format Shto në,..

Komentet
saba lozi (23/12/2010 21:31:25) forzza itali forzza

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime