E mërkurë, 19.12.2018
Impresum - Marketing - Arkiva - Kontakt

Yll Press

Aksidenti i shqiptarit nga Tetova e Maqedonise ka ndodhur në autostradën Tiranë-Vorë, pranë kilometrit të shtatë. Automjeti i Ajetit ka dalë nga rruga dhe është rrëzuar në një kanal në krahun e djathtë.
Tetovari Iniz Ajeti, humbë jetën në aksident trafiku në Tiranë









Gjumi në timon duke drejtuar automjetin duket se ka “vrarë” në një aksident rrugor shqiptarin nga Tetova Iniz Ajeti. 43-vjeçari ka dalë nga rruga rreth mesnatës duke gdhirë dita e djeshme, teksa lëvizte me automjetin e tij tip “Peugot” me targa të Tetovës, TE 996 DF.

Inis Ajeti, profesor në Fakultetin e mjekësisë në Univerzitetin Shtetëror të Tetovës - dega e stomatologjisë. Ka qenë edhe kryetar i stomatologëve shqiptarë në Maqedoni "Apolonia" dhe nënkryetar i Shoqatës së stomatologëve të Maqedonisë.

Shqiptari nga Tetova ishte i vrari i dytë në aksidentet rrugore në Tiranë, ndërsa më herët ishte goditur për vdekje nga një automjet, e moshuara 74-vjeçare Gjyslyme Lamaj, e cila kalonte nga njëra anë në anën tjetër të rrugës, në Bathore.

Aksidenti i shqiptarit nga Tetova e Maqedonise ka ndodhur në autostradën Tiranë-Vorë, pranë kilometrit të shtatë. Automjeti i Ajetit ka dalë nga rruga dhe është rrëzuar në një kanal në krahun e djathtë. Policia dhe ekipet e Urgjencës së Tiranës i dhanë ndihmën e parë të aksidentuarit, por ai ka ndërruar jetë pak pasi ka mbërritur në Spitalin Ushtarak, si pasojë e plagëve të rënda të marra nga përplasja.

Në vendin e ngjarjes shkuan shërbime të Komisariatit të Policisë Rrugore dhe ekspertë të aksidenteve. Burime policore thanë për Gazetën se, nga hetimet paraprake rezulton se ka qenë vetë drejtuesi Ajeti, të cilit i ka dalë mjeti nga kontrolli dhe për pasojë është rrëzuar në kanal.

Të njëjtat burime thanë se dyshojnë se Ajetin mund ta kishte zënë gjumi teksa ishte duke drejtuar makinën, pasi vendi ku ai ka dalë nga rruga nuk ka qenë me ndonjë kthesë të fortë apo të rrezikshme.

Publikuar: 04.06.2010 | 16:34
Lexuar: 2828 herë
Printo PDF format Shto në,..

Komentet
Beqir (07/06/2010 15:05:26) Ju lutem zonja dhe Zoteri fotografine se vetures se Iniz Ajetit Peugeot me targat TE 996 DF.
zamir (08/06/2010 22:51:15) Ju lutem zonja dhe zotri nese ka mundesi ta shof veturen e (Iniz Ajetit)

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime