E diel, 9.12.2018
Impresum - Marketing - Arkiva - Kontakt

Yll Press

BDI-ja duke i tërhequr vërejtjen opozitës se po politizon pa arsye këtë çështje tha se propozuesi i Ligjit duke pasur parasysh se edhe arsimi i fillor dhe ai i mesëm janë obligativ, synon të eliminoj dallimet rreth evidencës pedagogjike.
Evidenca pedagogjike vetëm në shqip










Sot mori dritë jeshile nga Komisioni parlamentar për arsim, shkencë dhe kulturë propozimi për plotësimin dhe ndryshimin e Ligjit për arsim fillor, me të cilin parashihet që evidenca pedagogjike të mbahet në gjuhën në të cilën zhvillohet mësimi. Sipas VMRO-DPMNE-së kjo dëshmon se koalicioni VMRO-DPMNE- BDI po funksionon.

Por miratimi i këtyre ndryshimeve shkaktoi përplasje të ashpra mes LSDM-së dhe VMRO-DPMNE-së. Të parët kërkonin sqarim nga VMRO-DPMNE-ja për ndryshimin e qëndrimit.

“Shihet qartë se është arritur marrëveshje, por vetëm dua të pyes se çfarë është ajo që ndryshoi në këtë periudhë disa mujore që deputetët e VMRO-DMNE-së i shtyu që nga mbrojtës të ashpër dhe patriotë që menjëherë të lëshojnë pe para kërkesave të BDI-së dhe të lejojnë ndryshime të këtilla në Ligjin për arsim fillor të cilat parashohin që evidenca pedagogjike të mbahet në gjuhën në të cilën zhvillohet mësimi”, tha Slavica Gërkovska-Loshkova, deputete e LSDM-së.

“Nuk guxojmë të lejojmë që të kemi standarde të dyfishta për arsimtarët në fillore dhe për arsimtarët në arsimin e mesëm. Por tu mundësojmë arsimtarëve që edhe në arsimin e mesëm edhe në atë fillorë të kenë kushte të njëjta për punë dhe obligime të njëjta në pajtueshmëri me ligjin”, u përgjigj deputetja e VMRO-DPMNE-së, Silvana Boneva.

Deputetja e LSDM-së Sllavica Gërkovska-Loshkova ishte këmbëngulëse. Ajo tha “unë ju parashtrova pyetje dhe akoma pres përgjigje. Çfarë ju detyroi që ta ndryshoni qëndrimin?”.

Deputetja e VMRO-DPMNE-së, Silvana Boneva në përgjigjen e saj nënvizoi:“Ju dhashë përgjigje në pyetjen se pse po veprojmë ashtu në këtë moment. Sa herë duhet ta përsërisë, nuk duhet të ketë standarde të dyfishta lidhur me një çështje të njëjtë”.

BDI-ja duke i tërhequr vërejtjen opozitës se po politizon pa arsye këtë çështje tha se propozuesi i Ligjit duke pasur parasysh se edhe arsimi i fillor dhe ai i mesëm janë obligativ, synon të eliminoj dallimet rreth evidencës pedagogjike.

“Çështja që për fat të keq këtu po politizohet e që ka të bëj me evidencën, është një çështje që është në zbatim në arsimin e mesëm dhe këto ndryshime edhe përkundër faktit se është fjala për status juridik të njëjtë, arsim i obligueshëm, arsim i obligueshëm e ka obliguar propozuesin që në një farë mënyre ti eliminoj këto diferenca”, vlerësoi deputeti i BDI-së, Adnan Jashari.

Versioni i parë i ndryshmit të ligjit ishte bllokuar nga BDI-ja pasi evidenca pedagogjike në arsimin fillor parashihej që perveç në gjuhën shqipe të mbahen edhe në gjuhën maqedonase.

(Bedri Rexhallari, Alsat-M )

Publikuar: 09.06.2010 | 20:57
Lexuar: 2104 herë
Printo PDF format Shto në,..

Komentet
edona (05/10/2010 18:07:03) un mendoj qe arsimi esht i nevojshem per te gjith femijet kudo qe jan

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime