E hënë, 17.12.2018
Impresum - Marketing - Arkiva - Kontakt

Yll Press

Skënderbeu i ‘Parisit’ do të ketë kokën lart, pasi skulptori synon të paraqesë vizionin e tij largpamës, ndërsa nuk do të mungojnë edhe elementë të krishterimit si kryqi dhe shqiponja, simbol i stemës së Kastriotëve.
Skënderbeu edhe në Paris









Një statujë në nder të Gjergj Kastriot Skënderbeut do të plotësojë sheshin me emrin e tij në Paris. I ndodhur në zonën 19 të kryeqytetit francez, sheshi “Skanderbeg” mori këtë emër në vitin 1967, ndërsa prej afro 50 vitesh vuan mungesën e një statuje në nder të heroit kombëtar.

Drejtori i Qendrës Kombëtare të Restaurimeve, Agim Rada, prej kohësh ka nisur punën për të paraqitur figurën e heroit me të gjitha komponentët, e për të mbërritur në bocetin final, ai thotë se i janë dashur të bëjë dhjetëra të tillë.

“Për të arritur këtë ide, që të mos jetë thjesht një luftëtar me një shpatë në dorë, si një njeri që ka mundur turqit. Ka qenë prijës dhe unë jam munduar ta paraqes si udhëheqës”, shprehet Agim Rada, drejtor i Qendrës Kombëtare të Restaurimeve.

Skënderbeu i ‘Parisit’ do të ketë kokën lart, pasi skulptori synon të paraqesë vizionin e tij largpamës, ndërsa nuk do të mungojnë edhe elementë të krishterimit si kryqi dhe shqiponja, simbol i stemës së Kastriotëve.

"Po të shikoni me kujdes shpata sinjifikon kryqin, që mbrohet nga kjo mburojë me shqiponjë. Edhe mbrapa kësaj është figura e Skënderbeut, me njërën dorë që nuk e ka agresive, kurse dora tjetër që mban mburojën është agresive, është si kthetër, ndërsa tregon që ne jemi në mbrojtje nuk jemi në sulm”, shprehet Rada.

Statuja do të jetë e lartë rreth 5 metra, ndërsa mendohet se do të jetë gati rreth muajit nëntor.

Publikuar: 09.06.2016 | 11:54
Lexuar: 979 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime