E hënë, 17.12.2018
Impresum - Marketing - Arkiva - Kontakt

Yll Press

Ky vendim erdhi pasi fillimisht u ngritën tensione për kodin telefonik, si ultimatum që - sipas Serbisë, - është vënë në Bruksel.
Vuçiç: Trepça është e Serbisë; Kosova bojkoton Samitin e Beogradit








“Trepça është e Serbisë”. Kështu ka vlerësuar kryeministri serb, Aleksandar Vuçiç, dhe kabineti i tij qeveritar. Ekzekutivi serb vendosi se, të gjitha vendimet e Kosovës për “Trepçën” nuk vlejnë.

Ky vendim erdhi pasi fillimisht u ngritën tensione për kodin telefonik, si ultimatum që - sipas Serbisë, - është vënë në Bruksel.

Serbia ruan në këtë formë pronën e saj dhe veriun e Kosovës. Në asnjë mënyrë, në asnjë moment nuk do të hiqet dorë nga kjo. Vuçiç ishte i prerë, duke sqaruar vendimin e Prishtinës si marketing politik.

“Kjo është mbrojtje e asaj që na takon neve. Vendimi i qeverisë është porosi se, nuk mund të vini të merrni atë, për të cilën keni bërë ligj sikur është e juaja, pasi nuk është. Po iu informojmë edhe publikisht se nuk mund ta përdorni pronën e dikujt. Vendimi i tyre mbase është veprim marketingu, apo i pamatur. Por vendimi ynë është serioz dhe i përgjegjshëm”, tha Aleksandar Vuçiç, kryeministër i Serbisë.

Një ditë para Samitit të Sigurisë dhe takimeve me zyrtarët nga Tirana, gjërat janë ashpërsuar. Analisti Dushan Janjiç thotë se, dialogu i Brukselit është kthyer në fabrikë nënshkrimesh dhe marrëveshjesh.

“Nuk ka pasur progres, nuk ka kod telefonik, nuk ka asnjë progres këtu. Bashkësia ndërkombëtare ka shumë faj, pasi marrëveshjet arrihen dhe nuk zbatohen. Kjo nuk është gjë e mirë. Por ndoshta mund të hapë rrugë”, tha Dushan Janjiç, analist.

Marko Savkoviç, organizator i forumit ku do të flisnin edhe zyrtarë nga Kosova, por që e anuluan pjesëmarrjen, thotë se kanë ngelur pa panelistë. Dialogu i shumëpritur i tyre nuk ishte ky.

“Qëllimi ynë ka qenë që të krijojmë një hapësirë për dialog. Ne besojmë se, sidomos kur ka kriza, dialogu është e vetmja alternativë për zgjidhjen e tyre dhe ne do të punojmë për këtë”, tha Marko Savkoviç, nga Forumi i Sigurisë në Beograd.

Kuvendi i Kosovës, ndërkohë, diskutonte për arrestimin e kryepolicit të Mitrovicës, Nehat Thaçi, ku kërkohej më shumë ashpërsi ndaj Serbisë. Serbia ndërkaq thotë se do ta zvogëlojë forcën e atyre, që duan t’i zgjidhin çështjet me dhunë.

/ Top Channel

Publikuar: 12.10.2016 | 12:53
Lexuar: 1644 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime