E diel, 9.12.2018
Impresum - Marketing - Arkiva - Kontakt

Yll Press

Në këtë vizitë, ajo themeloi qendrën e bamirësisë për fëmijët e sëmurë dhe në nevojë në Shkodër, e vetmja e këtij lloji në Shqipëri. Qysh atëherë, qendra u shërben me përkushtim fëmijëve në nevojë, sidomos atyre të sëmurë, diagnoza e të cilëve është e rëndë.
Shkodër: Një vizitë në qendrën qe ngriti Nënë Tereza












ATSH- G. Marku

- Për lidhjen e veçantë që Nënë Tereza ka patur me Shkodrën që kur familja e saj jetoi për shumë vite pas largimit nga Shkupi në vitet 30 të shekullit të kaluar, kjo ishte dhe aryseja përse kur mbrriti në Shqipëri në 1991, zgjodhi këtë qytet për të bërë vizitën e parë.

Në këtë vizitë, ajo themeloi qendrën e bamirësisë për fëmijët e sëmurë dhe në nevojë në Shkodër, e vetmja e këtij lloji në Shqipëri. Qysh atëherë, qendra u shërben me përkushtim fëmijëve në nevojë, sidomos atyre të sëmurë, diagnoza e të cilëve është e rëndë.

Motër Sergita, superiorja e Misionit të motrave të nënë Terezes në Shkodër thotë se në qendër trajtohen 60 fëmijë, nga 2-3 vjeç deri në 15-16, apo edhe më shumë. Aty gjejnë strehë dhe një grup vajzash më të rritura të braktisura nga prindërit.

Motër Sergita, nga Bangladeshi që ndodhet në Shkodër prej 3 vitesh, thotë me një shqipe të shkëlqyer se ka një përvojë të madhe në aktivitetin e qëndrave misionare të Nënë Terezës. Më parë ka qenë 7 vjet në Kosovë, 2 vjet e gjysmë në Mal të Zi dhe para se të vinte në Shqipëri, 4 vjet e gjysmë në Maqedoni. Motrat e tjera që punojnë përkrah saj janë nga Polonia, Bangladeshi, India, Afrika, Kosova, Maqedonia dhe Shqipëria.

Sipas saj, aty ku sot është vendosur misioni, dikur ka qenë burgu i qytetit. "Bamirësia triumfon mbi torturën," thotë ajo.

Përveç motrave të Nënë Terezes, shërbejnë dhe 15 kujdestareve të tjera të specializuara me një shërbim 24 orësh.

"Kontigjenti i parë i fëmijëve që janë vendosur në këtë qendër i takon vitit 1991 dhe ishte vetë Nëna Terezë, e cila i pati marrë atëherë në spital duke i vendosur këtu", kujton Luçie Sadiku, një nga kujdestaret më të vjetra të qendrës, pjesëtaret e së cilës e thërrasin "nënë Luçia".

"Më kujtohet si sot se Nana Terezë i ka sistemuar me duart e saj 17 fëmijët e parë që u vendosën në këtë qëndër", kujton ajo

Esmeralda Rrapi, 25 vjeçe nga Memaliaj thotë se ka 5 vite që është sistemuar në qendër.

"Kam një vëlla që e quajnë Dorian më i madh se unë", thotë Esmeralda. Prindërit e saj, Fjorentina nga Tepelena dhe Novruzi nga Saranda janë ndarë prej kohësh, ndërsa ajo, e mbetur në mes katër rrugëve gjeti mbështetjen e motrave të Nënë Terezës.

Qendra ka një punishte ku vajzat prodhojnë korniza artistike prej druri.

Një tjetër vajzë është edhe Anila Vathi, që duket rreth të 20-tave, por ajo vetë nuk e di moshën e saj. Mban mend që është nga Berati, por nuk i njeh fare prindërit, që e braktisën që të vogël.

Vajzat e tjera janë nga qytete të ndryshme. Katrina nga Pogradeci nuk di as mbiemrin e saj. Tek shumë prej tyre, duket qartë se rrethanat e vështira të jetës që kanë kaluar, kanë lënë pasoja jo të vogla edhe në aspektin psiko-mendor.

Në qendrën e misionit Nënë Tereza në Shkodër megjithatë punohet shumë dhe motrat shpresojnë që vajzat të marrin formimin e duhur, në mënyrë që të dalin sa më shpejt në jetë dhe të jenë të zonjat e vetes

Publikuar: 25.08.2010 | 20:16
Lexuar: 2616 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime