E shtunë, 17.11.2018
Impresum - Marketing - Arkiva - Kontakt

Yll Press

Javën e kaluar, në Tirane u mbajt Konferenca shkencore ndërkombëtare “Roli i gjeografisë në menaxhimin e rreziqeve natyrore dhe humane”, ku me punimin e vet shkencor, me temë: “Menaxhimi i përmbytjeve nga lumi Shkumbin i Tetovës”, mori pjesë edhe prof. dr. Fauzi Skenderi, ligjërues në Universitetin Shtetëror të Tetovës. Në konferencën në fjalë morën pjesë 52 studiues nga të gjitha trevat shqiptare dhe nga Italia.
Pr.dr. Fauzi Skenderi mori pjesë në Konferencën ndërkombëtare të Gjeografisë në Shqipëri





Javën e kaluar, në Tirane u mbajt Konferenca shkencore ndërkombëtare “Roli i gjeografisë në menaxhimin e rreziqeve natyrore dhe humane”, ku me punimin e vet shkencor, me temë: “Menaxhimi i përmbytjeve nga lumi Shkumbin i Tetovës”, mori pjesë edhe prof. dr. Fauzi Skenderi, ligjërues në Universitetin Shtetëror të Tetovës. Në konferencën në fjalë morën pjesë 52 studiues nga të gjitha trevat shqiptare dhe nga Italia.

Punimi shkencor që u prezantua në këtë konferencë, nga prof. dr. Fauzi Skenderi, “Menaxhimi i përmbytjeve nga lumi Shkumbin i Tetovës” në vitin 1979, zgjoi interesim te jashtëzakonshëm. Kumtesa shkencore e prof. dr. Fauzi Skenderit, është fryt i studimit të mirëfilltë për mënyrën e menaxhimit të përmbytjeve në qytetin e Tetovës dhe rrethinën e saj më të afërt. Si shembull janë marrë përmbytjet katastrofale që ndodhën në Tetovë, në vitin 1979, si pasojë e reshjeve intensive të shiut në Malin Sharr mbi Tetovë, me ç’rast erdhi deri te kryerja tej mase me ujë e lumit Shkumbin të Tetovës, i cili me atë rast doli nga shtrati i vet dhe në mënyre të pamëshirshme e përmbyti tërë qytetin, për disa ditë me radhë, por, më shumë pjesët e tij që ishin rreth lumit.

Në Tetovë, si pasojë e përmbytjeve katastrofale në fjalë u përmbytën 2000 familje, (1000 vetëm në qytetin e Tetovës), 150 objekte u rrënuan dhe dyfish prej tyre u dëmtuan, 244 familje u evakuuan me 5.000 anëtarë etj. Në mbrojtjen e banorëve dhe pasurisë së tyre u angazhuan njësitë e Mbrojtjes civile, Mbrojtjes territoriale, Armata, mekanizimi i operativit ndërtimor nga Tetova dhe Shkupi etj. Në aksionin për mbrojtjen e popullsisë dhe pronave morën pjesë 20.000 njerëz. Nga mjetet teknike u përdorën 76 kamionë, dy helikopterë, 30 traktorë, 4 buldozerë, 5 eskavatorë, 4 ngarkues dhe shumë makineri tjetër ndihmëse. U përdor rrjet teli në gjatësi prej 16.000 metër, 170 metër kub material ndërtimor, 14.000 thasë, 3.100 metër kub gurë, 55 tonelata lëndë djegëse (karburante), Vetëm në qytetin e Tetovës lumi solli rreth 25.000 metër kub rërë dhe prurje të tjera të forta.

Ne këtë kumtesë, gjithashtu jepen të dhëna të sakta edhe konkluzionet e veprimit të komunitetit të Tetovës, për sanimin e gjendjes gjatë përmbytjes dhe pas saj, që paraqesin elementet bazë të menaxhimit të këtyre përmbytjeve të vitit 1979, që sipas tij, demi i përgjithshëm nga këto përmbytje ishte 1.500.000.000 dinarë (valutë e asaj kohe), në kundërvlerë, sipas vlerësimeve të sotme, në shumë prej 33.000.000 euro.
Pr.dr. Fauzi Skenderi mori pjesë në Konferencën ndërkombëtare të Gjeografisë në Shqipëri
Pr.dr. Fauzi Skenderi mori pjesë në Konferencën ndërkombëtare të Gjeografisë në Shqipëri
Pr.dr. Fauzi Skenderi mori pjesë në Konferencën ndërkombëtare të Gjeografisë në Shqipëri
Pr.dr. Fauzi Skenderi mori pjesë në Konferencën ndërkombëtare të Gjeografisë në Shqipëri

Publikuar: 01.12.2010 | 09:52
Lexuar: 2928 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime