E mërkurë, 12.12.2018
Impresum - Marketing - Arkiva - Kontakt

Yll Press

“Situata është tejet serioze, nxënësve shqiptarë të cilët kanë kryer klasën e tetë, arsimtarët maqedonas u thonë se pa marrë parasysh se çfarë suksesi kanë, mund të regjistrohen në cilën do shkollë të mesme që duan, vetëm e vetëm të mësojnë në gjuhën maqedonase”, tha Aliu. Ai shtoi se gjithashtu edhe në shkolla fillore insistohet që sa më shumë lëndë të mësohen në gjuhën maqedonase.
Manastir, arsimtarët maqedonas stimulojnë asimilimin e shqiptarëve









Shqiptarët të cilët jetojnë në Manastir ankohen se popullata maqedonase e këtij rajoni vazhdon të ndërmerr masa për asimilimin e shqiptarëve. Zait Aliu, banor i Manastirit thotë se diskriminimi i shqiptarëve dhe mos investimi për arsimin shqip janë duke ndikuar shumë në zhdukjen e ngadalshme të popullit shqiptar në këtë rajon.

“Situata është tejet serioze, nxënësve shqiptarë të cilët kanë kryer klasën e tetë, arsimtarët maqedonas u thonë se pa marrë parasysh se çfarë suksesi kanë, mund të regjistrohen në cilën do shkollë të mesme që duan, vetëm e vetëm të mësojnë në gjuhën maqedonase”, tha Aliu. Ai shtoi se gjithashtu edhe në shkolla fillore insistohet që sa më shumë lëndë të mësohen në gjuhën maqedonase.

“Edhe unë kur kam qenë nxënës kam mësuar disa lëndë në gjuhën maqedonase, por tani situata është përkeqësuar sepse vajza ime e cila tani është në klasën e pestë, 50 për qind të lëndëve i mëson në gjuhën maqedonase”, theksoi Aliu. Sipas tij deri më tani askush nuk ka bërë asgjë për të ndryshuar këtë situatë të shqiptarëve të kësaj ane.

“Në fund të vitit të kaluar ishim në Ministrinë e Arsimit dhe Shkencës, u takuam me përfaqësuesit shqiptarë të cilëve iu treguam problemet që i kishim dhe thanë se do të na vizitojnë por ajo punë tani më u harrua”, tha Aliu. Kryetari i Lidhjes së Arsimtarëve Shqiptarë (LASH), Nuhi Dardhishta thotë se për këtë çështje duhet të lajmërohet Inspektorati i arsimit i cili më pas duhet të ndërmerr masa kundër këtyre arsimtarëve.

“Të gjithë e dimë situatën e shqiptarëve në Manastir. Atyre nuk iu ndërtohet një shkollë e veçantë për arsye se duan që ta asimilojnë popullin shqiptarë dhe e shpërndajnë në shkolla ku si mungesë e kuadrit ata gjysmën e lëndëve e mësojnë në gjuhën maqedonase.

Prindërit duhet që ta paraqesin këtë rast në inspektorat dhe më pas të ndërmerren masa sepse nuk duhet bërë presion që nxënësit shqiptarë të mësojnë në gjuhën maqedonase”, tha Dardhishta. Ai shtoi se për regjistrim ka konkurs dhe duhet të respektohet e jo të bëhet propagandë kundër gjuhës shqipe.(Lajm)

Publikuar: 27.01.2011 | 13:30
Lexuar: 2082 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime