E diel, 16.12.2018
Impresum - Marketing - Arkiva - Kontakt

Yll Press

KQZ filloi të shtunën procesin e hapjes së kutive dhe numërimit të fletëve të kontestuara në 368 qendrat e votimit të Bashkisë Tiranë.
KQZ përfundon numërimin e votave të kontestuara në KZAZ-në 48








Komisioni Qendror i Zgjedhjeve përfundoi të hënën në mesditë, numërimin e votave të kontestuara në njësinë bashkiake nr. 4, të KZAZ-së numër 48 në Tiranë.

Në këtë njësi, pas hapjes së rreth 160 kutive rezultuan një numër i barabartë fletësh të hedhura gabimisht, respektivisht 53 vota për kandidatin e "Aleancës për Qytetarin", Lulzim Basha dhe 53 vota për rivalin e tij, kandidatin e koalicionit "Aleanca për të Ardhmen", Edi Rama. Me këtë rezultat, Basha vazhdon të kryesojë ndaj Ramës me 78 vota.

KQZ filloi të shtunën procesin e hapjes së kutive dhe numërimit të fletëve të kontestuara në 368 qendrat e votimit të Bashkisë Tiranë.

Deri tani përgjatë tre ditëve KQZ ka hapur mbi 630 kuti, nga 1493 që është në total numri i parashikuar, në vendimin e Kolegjit Zgjedhor.

Numërimi bëhet nga 8 grupe njëkohësisht, në të cilat bëjnë pjesë dy punonjës të administratës së KQZ-së dhe nga një përfaqësues i dy forcave politike, PD-së dhe PS-së.

Ky proces do të rifillojë pasdite në ora 18:00, me hapjen e kutive të KZAZ-së nr. 49, njësia 5

Publikuar: 20.06.2011 | 16:22
Lexuar: 977 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime