E mërkurë, 21.11.2018
Impresum - Marketing - Arkiva - Kontakt

Yll Press

Sapo ka bërë një kontratë trevjeçare me “Max production”, dhe ndodhet në Tiranë për të publikuar klipin e saj të ri veror. Quhet Valza Bajra, 23 vjeçarja nga Prishtina, 1.76 cm e gjatë, pamjen e së cilës mediat kosovare e kanë krahasuar me Leona Lewis. “Më thuaj pse”, titullohet kënga me të cilin konkuroi në “Netët e klipit shqiptar” dhe që nuk fitoi ndonjë çmim. Por ambicja e saj do të vazhdojë. Ka synime të mëdha të kërkojë famën në Tiranë, dhe të konkurojë këngëtaret e reja këtu.
Valza Bajra: Nga Prishtina po kërkoj famën në Tiranë















Konkurrove në “Netët e Klipit” me klipin “Më thuaj pse”, por nuk more çmim. U mërzite?

Po e vërtetë, por nuk u mërzita dhe nuk dorëzohem.Tashmë jam duke punuar për klipin tim të ri që po realizohet nga “Max Production”, me të cilën kam lidhur një kontratë trevjeçare.

Emri yt nuk njihet këtu, ç’mund të thuash më shumë rreth vetes?

Jam 23 vjeç, jetoj në Prishtinë dhe ndjek studimet e larta në degën aktrim. Kam dy vite e gjysmë që i kam hyrë botës së muzikës në Prishtinë, por më pëlqen më shumë Tirana. Unë këndoj në rrymat Hip-Hop, R and B dhe Tekno. Deri tani kam bashkëpunuar me Armend Rexhepagiq dhe Aida Barakun të cilët janë autorët e këngës sime të
dytë “Vishu, vishu shpejt”.

Ke një dëshirë për t’u bërë këngëtare e njohur, kush të ka siguruar që ke një zë të mirë?

Pikërisht Rexhepagiq, i cili kur më dëgjoi të këndoja në studion e tij, më tha që kam zë shumë karakteristik dhe duhet të vazhdoj të këndoj.

Po thua që të pëlqen Tirana, si do mund ta arrish suksesin këtu?

Më pëlqen shumë Shqipëria, vij shpesh këtu dhe kam filluar të vij që 16 vjeç, pasi këtu kaloj pushimet. Suksesin në këngë po e kërkoj këtu, edhe për faktin se do menaxhohem nga “Max Production”.

Miqtë e tu artistë?

Kam miqësi me “Etno engjujt” sidomos me Genc Prelvukaj, të cilët më kanë realizuar një këngë që do e publikoj në shtator. Njihem po ashtu me Bleron, ndërsa në Tiranë s’kam miqësi me asnjë këngëtar mashkull.

Cilat janë këngëtaret femra që pëlqen në Prishtinë dhe Tiranë?

Elvana Gjatën këtu, dhe Dafina Zeqirin në Prishtinë.

Ndërkohë ju vazhdoni studimet për aktrim, keni marrë ndonjë rol në teatër ose film?

Po luaj në filmin artistik “Nëntoka 3” të regjisor Halil Budakova. Kam rolin e agjentes sekrete që punon për policinë.

Fama të tremb?

Pak po, pasi ka të mirat dhe këqijat e saj.

Panoramaplus

Publikuar: 07.06.2009 | 17:10
Lexuar: 4790 herë
Printo PDF format Shto në,..

Komentet
undefined (24/11/2009 18:01:30) undefined

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime