E shtunë, 17.11.2018
Impresum - Marketing - Arkiva - Kontakt

Yll Press

Sipas zëvendës-kryeministrit për çështje ekonomike, Vladimir Peshevski, formimi i Komitetit është konfirmim për përcaktimin e përhershëm të Qeverisë për zhvillim të turizmit, që u konfirmua me vendimin për uljen e TVSH-së për shërbimet turistike.
Maqedonia do të zhvillojë turizmin, formohet Komiteti për turizëm në Qeveri
– Rritja e të ardhurave nga turizmi me qëllim të pjesëmarrjes më të madhe në Bruto prodhimin e vendit, do të jenë prioritet i Komitetit për turizëm të formuar sot në Qeveri.

Trupi i ri qeveritar duhet të sigurojë realizim në kohë të Strategjisë për zhvillimin e turizmit dhe projekteve nga programi qeveritar në këtë sferë. Do t'i jep drejtimet e duhura dhe do t'i shqyrtojë politikat, masat dhe projektet, të cilat kanë për qëllim përparimin e infrastrukturës turistike dhe promovimin e Maqedonisë si destinacion atraktiv turistik jashtë vendit. Për këtë qëllim, në një nga seancat e ardhshme të Qeverisë do të parashtrohet plan aksional me hapat që do t'i ndërmarrin institucionet kompetente, për realizimin e Strategjisë për zhvillim dhe turizëm.

Sipas zëvendës-kryeministrit për çështje ekonomike, Vladimir Peshevski, formimi i Komitetit është konfirmim për përcaktimin e përhershëm të Qeverisë për zhvillim të turizmit, që u konfirmua me vendimin për uljen e TVSH-së për shërbimet turistike.

"Detyra jonë në periudhën e ardhshme është që t'i risim të ardhurat në Maqedoni nga turizmi dhe atë jo vetëm nga turistët e huaj, por edhe ata të vendit, për çka sivjet veçmë po shihen rezultatet, duke marrë parasysh se sivjet kemi rritje mbi 20 për qind të numrit të bujtjeve të turistëve të huaj", deklaroi Peshvski në seancën e parë të Komitetit.

Ai pret që trendi i rritjes të vazhdojë edhe në periudhën e ardhshme, pasi veçmë ka pasur paralajmërime për aranzhmane shumë më të mëdha viteve të ardhshme. Këto janë hapat e para nga ajo që dëshirojmë ta bëjmë, e ajo është rritja e disafishtë e turizmit si pjesë e BPV të Maqedonisë, theksoi zëvendës-kryeministri.
Maqedonia do të zhvillojë turizmin, formohet Komiteti për turizëm në Qeveri

Ministri i Ekonomisë Valon Saraçini paralajmëroi se Ministria e Ekonomisë në pajtim me Programin qeveritar do të fillojë me realizimin e projekteve në pjesën e turizmit, si pjesë e rëndësishme në zhvilimin e ekonomisë të shtetit dhe në BPV të përgjithshëm në, ku tani merr pjesë me 1,9 për qind.

"Do të punojmë në atë që t'i implementojmë projektet tona dhe shpresojmë se në takimet e Komitetit do të ketë propozime konstrutive dhe së bashku do të kemi sukses në realizimin e këtyre projekteve", deklaroi Saraçini.

Me Komitetin për turizëm do të udhëheq kryetari i Qeverisë së Republikës së Maqedonisë, Nikolla Gruevski. Nënkryetarë të Komitetit janë zëvendës kryetari i Qeverisë i obliguar për çështje ekonomike, Vlladimir Peshevski, dhe zëvendës kryetari i Qeverisë dhe ministër i financave, Zoran Stavreski. Anëtarë të Komitetit janë ministri i Ekonomisë, ministri i Transportit dhe Lidhjeve, ministri i Kulturës, zëvendësi ministri i Ekonomisë, sekretari shtetëror i Ministrisë së Ekonomisë, udhëheqësi i Sektorit për Turizëm në Ministrinë e Ekonomisë, drejtori i Agjencisë për mbështetje dhe promovim të turizmit, drejtori i Agjencisë për Investime të Huaja dhe Promovim të Eksportit, si dhe përfaqësues nga Ministria e Punëve të Jashtme, përgjegjës për ekonomi dhe turizëm.

Komiteti është planifikuar të mblidhet një herë në muaj, ndërkaq në mbledhje të thirren përfaqësues të odave ekonomike dhe turistike, punëtorë turistikë, profesorë dhe ekspertë të tjerë nga sfera e turizmit, që do të kenë mundësi t’i japin propozimet e tyre, sugjestionet dhe iniciativat nga kjo sferë.

Publikuar: 25.08.2011 | 07:48
Lexuar: 1926 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime