E mërkurë, 12.12.2018
Impresum - Marketing - Arkiva - Kontakt

Yll Press

"Projekti synon zgjerimin e tregut të këtij produkti për të cilin interesi është në rritje të vazhdueshme, gjë që kërkon edhe disiplinimin e punës", thotë Demiri.
Gështenja ne treg me një çmim te kripur



R.Hoxha

- Gështenja sapo ka dalë në treg ka tërhequr vemendjen e blerësve edhe pse me një cmim të kripur, deri në 120 lekë kilogrami. Kjo edhe për faktin se kerkësat për të kanë ardhur vazhdimisht në rritje, vecanërisht nga tregu i huaj.

Në Tropojë është masivi më i madh në Ballkan i gështenjës. "Prodhimi është i mbarë dhe në rritje. Po ashtu edhe numri i rrënjëve. Kjo ka bërë që të ngrihet një grup pune me specialistë për të verifikuar në terren shtrirjen e këtij drufrutori dhe për të përgatitur një material për mundësitë e mëtejshme të shtrirjes së tij.

Ndërsa për sa i përket cmimit është vetë tregu që e vendos", thotë për ATSH-në drejtori i zyrës së bujqësisë të rrethit, Shpend Demiri.

Përmes projektit "Në ndihmë të zhvillimit të zonave rurale" gjatë këtij viti është akorduar një fond prej 6 milion lekësh për të ndihmuar biznesmenët e tregtimit të gështenjës, vecanërisht në tregun e jashtëm.

"Projekti synon zgjerimin e tregut të këtij produkti për të cilin interesi është në rritje të vazhdueshme, gjë që kërkon edhe disiplinimin e punës", thotë Demiri.

Shtrirja e gjërë e këtij drufrutori në të gjitha zonat e rrethit ka bërë që edhe para viteve '90 të tregtohet në Francë, Austri, Gjermani, Turqi etj, ndërsa tani shtrirja më e gjërë e tregut ka ndikuar në rritjen e ndjeshme të të ardhurave të pronarëve të këtij dru frutori.

Aktualisht në këtë rreth funksionon një linjë e përpunimit të gështenjës me pronar Ramiz Jahën, i cili pohon vetë "se nuk përballon të gjitha nevojat e të gjithë prodhimin vendas të gështenjës".

Kjo ka bërë të domosdoshme ngritjen edhe të një linje tjetër, gjë që sjell edhe zgjerimin e tregut duke rritur të ardhurat e fermerëve.

Masivi i gështenjës në rrethin e Tropojës zë një sipërfaqe prej mbi 2000 ha dhe shtrihet thuajse në të gjithë rrethin. Masivet më të mëdha janë në komunat e Lekbibajt, Bujanit, Fierzës, Margegajt, bile edhe në qytetin e Bajram Currit, i cili është thuajse i rrethuar nga të katër anët nga gështenja. Ndërsa rendimenti arrin në 40 - 45 kilogram për rrënjë.

Publikuar: 13.10.2011 | 16:39
Lexuar: 5828 herë
Printo PDF format Shto në,..

Komentet
beko (22/10/2011 16:31:15) Kam sasi te medha te geshtenjave per export.
Per kontakt: studentiut@hotmail.com
drini (11/03/2014 15:44:24) shume njeshe
kledi (03/12/2014 22:56:17) prsh munt te me leni nje numer tlf ju lutem

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime