E hënë, 17.12.2018
Impresum - Marketing - Arkiva - Kontakt

Yll Press

Sulmuesi i Barcelonës, Lionel Messi e ka shkruar emrin e tij në librin e rekordeve sërish. Sulmuesi argjentinas është bërë futbollisti i parë në histori të La Ligas që shënon 28 gola në ndeshjet e zhvilluara në shtëpi, në një sezon të vetëm.
Messi, mbret në Camp Nou






Lionel Messi është treguar mbret në Camp Nou këtë sezon. Sulmuesi argjentinas ka realizuar 28 gola në këtë stadium, duke e thyer rekordin e golave të shënuara në shtëpi për një sezon në La Liga. Ylli i Barcelonës ka shënuar 39 gola këtë edicion në kampionatin spanjoll dhe është vetëm një larg rekordit të regjistruar nga Cristiano Ronaldo sezonin që shkoi.

Sulmuesi i Barcelonës, Lionel Messi e ka shkruar emrin e tij në librin e rekordeve sërish. Sulmuesi argjentinas është bërë futbollisti i parë në histori të La Ligas që shënon 28 gola në ndeshjet e zhvilluara në shtëpi, në një sezon të vetëm.

Futbollisti më i mirë në botë realizoi njërin nga katër golat e katalunasve në fitoren 4:0 ndaj Getafes, në ndeshjen e zhvilluar në Camp Nou të martën mbrëma.

Rekordi në të kaluarën mbahej nga ish sulmuesi i Athletic Bilbaos, Telmo Zarra dhe nga ish futbollisti i Atletico Madridit, Baltazar, të cilët së bashku kishin realizuar nga 27 gola në ndeshjet në shtëpi në sezonet 1950-51, respektivisht 1988-89.

Sulmuesi i Real Madridit, Cristiano Ronaldo, i cili sezonin e kaluar e fitoi çmimin ‘Pichichi’ për rekord prej 40 golash për një sezon, kishte realizuar 26 herë në stadiumin Santiago Bernabeu në sezonin 2010-11.

Messi ka shënuar në të gjitha ndeshjet, përpos në dy prej tyre këtë sezon, kur ka luajtur në shtëpinë e Barçës – Camp Nou. Përfaqësuesi argjentinas ishte i paaftë ta gjente golin në barazimin me Sevillën dhe në fitoren 3:1 ndaj Sporting Gijonit.

24 vjeçari ka realizuar 39 gola në 31 ndeshje këtë edicion në La Liga, ndërsa ka nevojë vetëm për një gol tjetër për ta arritur rekordin e Ronaldos, prej 40 golash në sezon në kampionatin spanjoll të futbollit.

Dhe, duke u bazuar në rrjedhën e sezonit, nuk është habi që Messi ta kalojë rekordin e yllit portugez, duke e regjistruar një tjetër rekord në futbollin spanjoll.

Publikuar: 12.04.2012 | 14:25
Lexuar: 957 herë
Printo PDF format Shto në,..

Komentet
ardian gashi (21/06/2013 14:54:37) ma imiri ska gjeni

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime