Organizata ndërkombëtare e policisë Interpol vendosi të dërgojë në Bullgari një ekip bashkëpunëtorësh, të cilët do të ndihmojnë në hetimin për sulmin kundërizraelit në Burgas, i cili u krye të mërkurën me ç'rast humbën jetën pesë izraelitë, një bullgar dhe sulmuesi vetëvrasës, ndërsa më shumë se 30 u plagosën.

Interpoli, selia e së cilës ndodhet në Lion, kumtoi se dërgimi i ekipit është me kërkesë të një vendi anëtar të organizatës në rast të situatës së krizës.

Sekretari i përgjithshëm i Interpolit, Roland K.Noubol dje deklaroi, në lidhje me informacionet se vetëvrasësi ka pasur dokumente të falsifikuara, se "me rëndësi esenciale është që të shihet nëse dikush me dokumente të tilla figuron në bazën e të dhënave dokumente të humbura ose të vjedhura të Interpolit".

"Është e nevojshme gjithashtu që të dihet nëse sulmuesi i ka shfrytëzuar këto dokumente gjatë qëndrimit të tij në Bullgari", shtoi shefi i Interpolit.

Sipas autoriteteve bullgare sulmuesi-vetëvrasës ka udhëtuar me patentë shoferi të falsifikuar, të dhëna në shtetin amerikan Miçigen.