E mërkurë, 12.12.2018
Impresum - Marketing - Arkiva - Kontakt

Yll Press

Autoritetet franceze i kanë përcjellë lajmin e dhimbshëm Ministrit të Jashtëm të Kosovës Enver Hoxhaj, për gjetjen e trupit të pajetë të kollozit të poezisë shqipe Ali Podrimja.
Ali Podrimja, gjendet i pajetë trupi i tij në Francë





Është zgjidhur dhe misteri i zhdukjes së një prej korifejve të letrave shqipe Ali Podrimja i cili ishte zhdukur që prej tre ditësh.

Por lajmi i gjetjes ka qënë i dhimbshëm pasi trupi i tij u gjet i vdekur.

Autoritetet franceze i kanë përcjellë lajmin e dhimbshëm Ministrit të Jashtëm të Kosovës Enver Hoxhaj, për gjetjen e trupit të pajetë të kollozit të poezisë shqipe Ali Podrimja.

Ndërkohë Ministri i Jashtëm i Kosovës Enver Hoxhaj, i ka përcjellë ngushëllimet e tij përmes një telegram ngushëllimi familjes komunitetit të poetëve, shkrimtarëve e artistëve si dhe mbarë popullit të Kosovës.

“Humbja e poetit me renome ndërkombëtare Ali Podrimja, është një humbje e madhe jo vetëm për familjen dhe miqtë e panumërt të tij, por një humbje e jashtëzakonshme edhe për kulturën dhe artin kosovar, shqiptar e më gjerë. Kujtimi i poetit Ali Podrimja do të jetë gjithnjë i gjallë në mesin tonë dhe do të shërbejë si figurë motivimi për brezat e ardhshëm të Kosovës”, thuhet në telegramin e ngushëllimit të ministrit Hoxhaj.

Autoritet franceze po punojnë në zbardhjen e plotë të rrethanave të humbjes së jetës së poetit Ali Podrimja.

Ministria e Punëve të Jashtme e Kosovës falënderon autoritetet e Ministrisë së Jashtme dhe asaj të Brendshme Franceze, si dhe të gjitha institucionet e tjera lokale e qendrore në Francë për angazhimin maksimal të tyre në ndriçimin e këtij rasti.

Publikuar: 21.07.2012 | 16:23
Lexuar: 1067 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime