E mërkurë, 19.12.2018
Impresum - Marketing - Arkiva - Kontakt

Yll Press

Milani nisi përgatitjet për sezonin e ri duke premtuar që do të mbante futbollistët e tij më të mirë, përfshi Ibrahimovic dhe Thiago Silva dhe kjo ndihmoi që nga qershori, deri në mesin e korrikut, mbi 20 mijë abonime për sezonin e ardhshëm të shiteshin.
Milani do të rimbursojë abonimet e kthyera





Një nismë e lëshuar nga një shoqatë për mbrojtjen e interesave të konsumatorëve do t’u lejojë tifozëve të pakënaqur të Milanit që të rimbursohen për abonimet e blera, nëse do të dëshirojnë që t’i kthejnë pas ato.

Milani nisi përgatitjet për sezonin e ri duke premtuar që do të mbante futbollistët e tij më të mirë, përfshi Ibrahimovic dhe Thiago Silva dhe kjo ndihmoi që nga qershori, deri në mesin e korrikut, mbi 20 mijë abonime për sezonin e ardhshëm të shiteshin.

Megjithatë, ndërsa dy yjet e klubit u shitën, pasi nga skuadra u larguan edhe idhujt e tjerë të tifozerisë, si Seedorf, Inzaghi, Gattuso e Nesta, shumë tifozë kuqezinj po i dorëzohen idesë së një sezoni mediokër të skuadrës së tyre të zemrës.

Në këto kushte, shoqëria e konsumatorëve “Codacons” i dërgoi një kërcënim penal klubit, duke argumentuar se nëse nuk do t’u lejohej tifozëve që të hiqnin dorë nga abonimet e paguara, Milani mund të përballej me një proces ligjor.

Përballë këtij kërcënimi, numri dy i klubit, Adriano Galliani vendosi të heqë dorë dhe të deklarojë të martën se kushdo mund të kthejë abonimet e tij nëse është i zhgënjyer nga fushata e blerjeve e klubit.

Megjithatë, shoqata nuk ka ndërmend të mjaftohet me kaq dhe po shtyn Milanin që të pranojë ulje të çmimit të abonimeve për sezonin e ardhshëm si dhe hyrjen gratis për ndeshjet e Champions League dhe Kupës së Italisë, si një formë kompensimi për tifozët e zhgënjyer.

Publikuar: 26.07.2012 | 01:04
Lexuar: 828 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime