E hënë, 17.12.2018
Impresum - Marketing - Arkiva - Kontakt

Yll Press

Fillimisht kemi qenë në fshatrat e Malësisë të Tetovës, për të vazhduar në fshatrat e Dervenit dhe më pas për të përfunduar në vet lagjet e qytetit të Tetovës.
Për 20 ditë tubohen 1732 Shporta të Ramazanit












Forumi Rinor Islam vazhdon me aktivitetin e tij humanitar me moton "Shporta e Ramazanit". Përfaqësues të këtij forumi në bashkëpunim me sektorin e femrës kanë dhuruar pako ushqimore në qendrën ditore për persona me nevoja të vecanta në Tetovë.

Aktiviteti i cili titullohet 'Shporta e Ramazanit' ka për qëllim që në këtë muaji me të ardhura më të mira të solidarizohet me skamnorët.

Gjatë javës janë ndarë shumë pako në fshatrat e Malësisë së Sharrit.

"Gjendemi në qendrën ditore të personave me nevoja të vecanta për të shpërndarë për të katërtën herë me rradhë pakot e 'Shportës së Ramazanit' për këtë Ramazan. Fillimisht kemi qenë në fshatrat e Malësisë të Tetovës, për të vazhduar në fshatrat e Dervenit dhe më pas për të përfunduar në vet lagjet e qytetit të Tetovës.

Deri më tash kemi arritur të shpërndajmë diku 850 pako, ndërkaq numri i pakove të 'Shportës të Ramazanit' të tubuara këtë vit për dallim nga vitet tjera është në nivele shumë të kënaqshme. Kemi arritur të tubojmë 1732 'Shporta të Ramazanit' me c'rast ne synojmë të tejkalojmë numrin të cilin e patëm si motiv për ta arritur, ai ishte numri 2000" tha kordinatori i këtij projekti, Muhamed Jonuzi.

Nga ky forum kanë bërë të ditur se aksioni 'Shporta e Ramazanit' ka gjetur një përkrahje të madhe nga ana e qytetarëve të cilët në këtë formë solidarizohen me bashkëqytetarët e tyre nevojtar. Të ardhurat e vogla, kriza ekonomike kanë bërë që një pjesë e mirë e familjeve nevojtare të kenë nevojë sot pse kurrë për më tepër përkrahje. Prandaj duke pasur parasyshë se edhe vet mesazhi i Ramazanit është solidarizimi mes njerzive, mëshira dhe humaniteti atëherë jemi të bindur se kjo kampanjë do të përfundoj me sukses deri në fund të muajit.

"Agjërimi i muajit të Ramazanit padyshim se në vete ngërthen një sërë përparsishë, mirpo nga aspekti human tek besimtarët gjeneron dashuri ndërsa nga ana tjetër cnjëroz ndenjat e urrejtjes dhe smirës" tha Suada Emruli, aktiviste në sektorin e femrës pran FRI.

"Duke qenë se para Zotit përgjegjësia për adhurim dhe humanitet është e njëjtë për të dy gjinitë, ne duhet të jemi në shërbim të atyre që kanë nevojë jo vetëm në muajin e shenjtë të Ramazanit por edhe gjatë gjithë vitit kur do e lyp nevoja. Apeloj te të gjitha nënat dhe motrat të cilat kanë nevojë për ndihmë të drejtohen te FRI pasiqë rrjedha e suksesshme që ka aktiviteti do të përmbush të paktën për një periudhë kohore nevojat e tyre" shtoi Suada Emruli.

Ndërsa kordinatori i qendrës ditore nuk harron të faleminderoj përfaqësuesit e FRI të cilët gjithmonë japin kontributin e tyre për tu ndihmuar personave me nevoja të posatcme.

"Me rastin e muajit të bekuar të Ramazanit, FRI për të katërtën herë për fëmijët me nevoja të posatcme këtu në qendrën ditore na sjell pako me përmbajtje ushqimore për të cilën gjë në emër të fëmijëve të qendrës ditore, në emër të personelit dhe në emërin tim personal i faleminderoj nga zemra për aktivitetin e tyre, punën e tyre të palodhshme dhe që nuk na harrojnë që katër vite me rradhë" tha përgjegjësi në Qendrën Ditore, Bexhet Kamberi. Organizatorët e këtij aksioni humanitar shpresojnë në një përkrahje më të madhe të qytetarëve sepse ata në këtë formë ndihmojnë bashkëqytetarët e tyre të cilët kanë nevojë.

Publikuar: 11.08.2012 | 12:17
Lexuar: 918 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime