E diel, 16.12.2018
Impresum - Marketing - Arkiva - Kontakt

Yll Press

“Për Spanjën dhe Italinë 2013-a do të jetë një vit i vështirë punë. Fondi parashikon për këtë vit sërish një GDP negativ, por rimëkëmbja do të vijë në 2014-ën”, ka shtuar Lagarde gjatë një debati në Davos.
Christine Lagarde: Italia e Spanja janë përmisuar








“Situata e Italisë dhe Spanjës në vitin 2013 do të jetë më e mirë krahasuar me 2012-ën. Masat janë më të forta dhe qeveritë përkatëse janë të bindura se duhet të bëjnë progrese konkrete”.

Kështu ka deklaruar drejtoresha e Fondit Monetar Ndërkombëtar, Christine Lagarde, e cila megjithatë ka pranuar se zgjedhjet që vendet kanë përpara nuk favorizojnë stabilitetin.

“Për Spanjën dhe Italinë 2013-a do të jetë një vit i vështirë punë. Fondi parashikon për këtë vit sërish një GDP negativ, por rimëkëmbja do të vijë në 2014-ën”, ka shtuar Lagarde gjatë një debati në Davos.

Deklarata e Lagarde vjen pak ditë pasi FMN paralajmëroi për dobësimin
e ripërtëritjes së ekonomisë globale, pavarësisht përpjekjeve të qeverive për të stimuluar rritjen.

Ekonomia globale ka gjasa të rritet me ritme më të ngadalta se parashikimet në dy vitet e ardhshme, deklaroi organizata në raportin e fundit të saj.

Në dokumentin në fjalë thuhej se, pritet që eurozona të mbetet në reçesion gjatë vitit 2013, edhe pse më parë ishte parashikuar një rritje e ekonomisë së bllokut.

Edhe për Mbretërinë e Bashkuar janë reduktuar parashikimet, me FMN që vlerësoi se, problemet e vazhdueshme në zonën euro po ndikojnë në territorin britanik.

“Vendet e zonës së euros vazhdojnë të përbëjnë një rrezik të madh për rrënimin e ekonomisë globale. Në veçanti, rreziku i zgjatjes së stanjacionit do të bëhet edhe më i madh në momentin kur nuk do të kryhen reforma”, thuhej në dokument.

Publikuar: 27.01.2013 | 12:44
Lexuar: 822 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime