E hënë, 10.12.2018
Impresum - Marketing - Arkiva - Kontakt

Yll Press

Fustani i saj i nusërisë ishte bërë me mëndafsh dhe dantella me përbërje fildishi, me një bisht katër metra, të krijuar nga mjeshtri Valentino.
Princesha suedeze martohet me bankierin amerikan (FOTO)










Princesha suedeze u martua dje me të dashurin e saj bankier, në një eveniment të ndjekur nga të gjitha familjet mbretërore europiane dhe elita njujorkeze. Princesha Madlein, 30 vjeçe, më e reja e tre fëmijëve të Mbretit Karl XVI Gustaf dhe Mbretëreshës Silvia, u martua me financierin Kris O’Neill, 38 vjeç, në Pallatin Mbretëror në Stokholm.

Mes të ftuarve elitë ishin këngëtari i Duran-Duran, Xhon Tejlor, Princi Nikolaos i Greqisë, Karl-Johan Person, shefi ekzekutiv i kompanisë së veshjeve “Hennes & Mauritz” (H&M) dhe yjet e “Roxette”, Per Gesëll dhe Marie Fredrikson. Çifti u takua në vitin 2010 kur princesha u largua për në SHBA, pas një historie të dështuar dashurie. Ajo donte të largohej nga Suedia pas prishjes së fejesës me prokurorin suedez Jonas Bergstrom, pas spekulimeve se ai e kishte tradhtuar. Princesha është e katërta në radhë për trashëgiminë e fronit suedez.

Fustani i saj i nusërisë ishte bërë me mëndafsh dhe dantella me përbërje fildishi, me një bisht katër metra, të krijuar nga mjeshtri Valentino. Velloja e princeshës, gjatë metra e gjatë, ishte bërë me mëndafsh, e rrethuar me tyl dhe e zbukuruar me lule. Velloja mbahej nga kurora e saj e zbukuruar me lule portokalli.

Princesha, e cila njihet edhe me titullin Dukesha e Halsinglandit dhe Gastriklandit, jeton në Nju Jork, ku punon për fondacionin “Fëmijët e Botës”, një grup jofitimprurës i themeluar nga nëna e saj. O’Neill nuk do të marrë asnjë titull pas martesës, pasi ai ka zgjedhur të mbetet qytetar i thjeshtë dhe të mos renditet në rangun mbretëror. Madlein njihet si princesha e festave, pasi dukej shpesh në klubet e natës së Suedisë.
Princesha suedeze martohet me bankierin amerikan (FOTO)
Princesha suedeze martohet me bankierin amerikan (FOTO)
Princesha suedeze martohet me bankierin amerikan (FOTO)
Princesha suedeze martohet me bankierin amerikan (FOTO)

Publikuar: 09.06.2013 | 18:06
Lexuar: 2609 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime