E shtunë, 17.11.2018
Impresum - Marketing - Arkiva - Kontakt

Yll Press

Ky aktivitet i rëndësishëm i turizmit malor u organizua nga pallati i Kulturës “Mirëdita”, komuna Kthellë, sipërmarrësit vendas, Banka Societa Generale Albania, pjesëtarë të ekipit të Rrally Albania. Por asgjë nuk mund të ndodhte pa mbështetjen e banorëve e fshatrave përreth.
Dasmë turistike në kullën e Radacve në Mirditë (FOTO)








U zhvillua këto ditë “Mirdita turistike 2013″. Organizuar nga pallati i kulturës “Mirëdita”, ky aktivitet ofroi shijim të natyrës, por dhe riteve të bukura të dasmës vendase, ku u inskenua i gjithë rituali, nga ardhja e krushqve, te nxjerrja e ujit nga pusi e këngët e bukura të zonës.

Te kulla e Radacve në komunën Kthellë të Mirditës ka dasmë. Dera është e hapur për të gjithë. Aq më tepër për ata që po digjen nga zhegu i asfaltit në qytet. Por nuk është një dasmë dosido, por një dasmë… turistike. Për të tretin vit është organizuar në Mirditë guida “Mirdita turistike 2013″. Shijuesit e natyrës, aventurës dhe traditës, përshkuan “aksin kulturologjik” të krahinës, që banorët e zonës e njohin si “bajraku i Kthellës”, duke nisur me shtegtimin turistik, për të përfunduar me një nga ritualet më të bukura, siç është dasma vendase. Pas Oroshit dhe Rubikut, mikpritësja e aktivitetit ishte Kthella.

Ky aktivitet i rëndësishëm i turizmit malor u organizua nga pallati i Kulturës “Mirëdita”, komuna Kthellë, sipërmarrësit vendas, Banka Societa Generale Albania, pjesëtarë të ekipit të Rrally Albania. Por asgjë nuk mund të ndodhte pa mbështetjen e banorëve e fshatrave përreth.

Shtegtuesit turistikë janë ndalur fillimisht në vendin e quajtur Prosek, një vendbanim që lidhet sot me varrezat arbnore të zbuluara para disa vitesh nga gërmimet arkeologjike. Më pas, në zonën e Përlatit, te një kullë e moçme me sharipop, nga të rrallat në vendin tonë. Pjesë e shtegtimit është bërë dhe vajtja te shpella e Valit, duke demonstruar vlerat që ka turizmi speleologjik në vendin tonë, e sidomos në Mirditë, krahinë e cila njihet për këtë resurs të begatë turistik. Më pas, i gjithë grupi shtegtues është pritur në një kullë vendase, ku ia nisi dasma e hershme e Mirditës me të gjitha detajet e saj.
Dasmë turistike në kullën e Radacve në Mirditë
Dasmë turistike në kullën e Radacve në Mirditë
Dasmë turistike në kullën e Radacve në Mirditë
Dasmë turistike në kullën e Radacve në Mirditë
Dasmë turistike në kullën e Radacve në Mirditë

Publikuar: 06.08.2013 | 11:00
Lexuar: 4029 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime