E hënë, 17.12.2018
Impresum - Marketing - Arkiva - Kontakt

Yll Press

Prania e Dritëroit në Pulia dhe Bazilikat të Italisë nuk mund të mbetej jashtë vëmendjes së emigrantëve të shumtë shqiptarë në këto zona.
Dritëro Agollit çmimi letrar “Carlo Levi”










Çmimi prestigjioz letrar “Carlo Levi” i është akorduar këtë vit shkrimtarit dhe poetit të njohur shqiptar, Dritëro Agolli, midis përfaqësuesve nga i gjithë Mesdheu.

Ceremonia e ndarjes së këtij çmimi do të jetë me 5 tetor në Aliani (Matera) në Itali, ku shkrimtari ka konfirmuar se do të jetë i pranishëm.

Lajmin e bëri të ditur dje deputeti dhe botuesi i “Toena-s” Fatmir Toçi, i cili e quajti një lajm të mirë që vjen në prag të ditëlindjes, në këtë 82-vjetor të babait të poezisë bashkëkohore shqiptare, transmeton Shqiptarja.

Më tej Toçi ka lajmëruar edhe botimin e një libri të ri kushtuar Agollit, i cili del së shpejti nga shtypi. Bëhet fjalë për një libër studimor voluminoz 700–faqesh për veprën e poetit me titull “Fjalor rimor i Dritëro Agollit”, me autor gjuhëtarin Mina Gero.

Prania e Dritëroit në Pulia dhe Bazilikat të Italisë nuk mund të mbetej jashtë vëmendjes së emigrantëve të shumtë shqiptarë në këto zona.

Me kërkesën e tyre është menduar edhe një takim i madh me poetin shpirtëror të shqiptarëve në Altamura të Baritmë 4 tetor, pasdite vonë. Sipas autoriteteve lokale vetëm në këtë komunë jetojnë e punojnë prej vitesh mbi 5000 emigrantë shqiptarë, të integruar në shoqërinë italiane dhe në marrëdhënie të shkëlqyera me vendasit.

Mësohet se gjatë mbrëmjes gala të dhënies së Çmimit do të jetë edhe një grup polifonik i njohur nga Shqipëria, i cili do të këndojë për pjesëmarrësit e shumtë këngë karakteristike kushtuar Dritëroit, Evropës së Bashkuar dhe Shqipërisë si pjesë e saj kulturalisht dhe, së shpejti edhe si pjesë integrale e saj.

Publikuar: 19.09.2013 | 15:50
Lexuar: 1044 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime