E premte, 14.12.2018
Impresum - Marketing - Arkiva - Kontakt

Yll Press

Ky fakt duhet përshëndetur pasi pajisjet kompjuterike po iu ofrohen inteligjencës së njerëzve dhe mund të presin integrim më të thellë ndërmjet njerëzve dhe kompjuterëve”, theksoi Safet Neziri, zëvendësministri i Arsimit dhe Shkencës.
Në USHT i filloi punimet  Konferenca VI  Ndërkombëtare  ,,Inteligjenca kompjuterike, sistemet e komunikimit dhe rrjetet”






Në Universitetin Shtetëror të Tetovës u mbajt Konferenca VI Ndërkombëtare, me temë: ,,Inteligjenca kompjuterike, sistemet e komunikimit dhe rrjetet”. Këtë konferencë e shpalli të hapur Rektori i USHT-së, Prof. Dr.Vullnet Ameti, i cili theksoi se USHT tani më një pjesë të rëndësishme të veprimtarisë së vet edukative dhe shkencore e zhvillon me sukses përmes avantazheve teknologjike.  

“Tema që do të trajtojë konferenca në punimet e saj është mjaft aktuale, dhe si e tillë, përmes teknologjisë së informacionit dhe komunikimit siguron edukimin dhe trajnimin e miliona shkencëtarëve dhe studentëve në mbarë botën. Informatika, edhe pse e re si shkencë, duke parë zhvillimin dhe rëndësinë e saj është shndërruar sot në shkencën më të përparuar dhe më të përhapur në planetin tonë. Në vendet e zhvilluara, trendet e teknologjisë informative kanë ecur me shpejtësi marramendëse, duke rritur mundësinë e përfshirjes në komunikimin masiv të përdoruesve dhe specialistëve, në lidhje me mekanizmin e edukimit dhe komunikimit në distancë, lehtësimin e kërkimeve shkencore, si dhe avancimin në bashkëpunimin institucional ndërkombëtar mes shteteve, popujve, institucioneve, organizatave e asociacioneve të ndryshme.

Inteligjenca kompjuterike, sistemet e komunikimit dhe rrjetet e shumta të teknologjisë informative, mundësojnë që sot shumë universitete të ofrojnë kurse kualifikimi online, si dhe të publikojnë programet e tyre të studimit. Edhe universiteti ynë, një pjesë të rëndësishme të veprimtarisë së tij edukative dhe shkencore e zhvillon me sukses përmes avantazheve teknologjike dhe si rezultat i këtyre standardeve dhe lehtësirave në komunikim ndodhen mes nesh studiues të mirënjohur nga lëmi i informatikës, të cilët me pjesëmarrjen e tyre e kanë nderuar këtë konferencë shkencore dhe institucionin tonë”, tha Rektori i USHT-së, Prof. Dr.Vullnet Ameti.
Konferencën me pjesëmarrjen e tij e nderoi zëvendësministri i Arsimit dhe Shkencës, Safet Neziri.

Ai në fjalën e tij drejtuar të pranishmëve në auditor vuri në dukje se organizimi i konferencave të tilla dëshmon se USHT-ja dalëngadalë po ngritet në rrafshin e studimit dhe hulumtimit shkencor. “Kam kënaqësinë që ndodhem këtu në Universitetin Shtetëror të Tetovës, universitet që gjithnjë e më shumë po ngritet në rrafshin e studimit dhe hulumtimit të shkencës bashkëkohore. Sot po mbahet një organizim shkencor me karakter ndërkombëtar, me temë: ,,Inteligjenca kompjuterike, sistemet e komunikimit dhe rrjetet”. Vetë tema e këtij tubimi shkencor flet se sa ky universitet është në hap me kohën dhe me lëvizjet në këtë fushë.

Ky fakt duhet përshëndetur pasi pajisjet kompjuterike po iu ofrohen inteligjencës së njerëzve dhe mund të presin integrim më të thellë ndërmjet njerëzve dhe kompjuterëve”, theksoi Safet Neziri, zëvendësministri i Arsimit dhe Shkencës.

Drejtori i përgjithshëm i Konferencës shkencore, David Al Dabas e falënderoi Rektorin e USHT-së, Prof. Dr.Vullnet Ametin për mbështetjen që i ka dhënë konferencës e cila ka zbarkuar në Tetovë njerëz eminentë të fushave kompjuterike nga vende të ndryshme të botës. “Fillimisht, dua të falënderoj nikoqirin e kësaj konference, Universitetin Shtetëror të Tetovës dhe Rektorin e tij, Prof. Dr.Vullnet Ameti që i ka dhënë një mbështetje kaq të madhe këtij organizimi, pasi pa mbështetjen e tij kjo konferencë nuk do të ishte e tillë, në këtë konferencë me titull: ,,Inteligjenca kompjuterike, sistemet e komunikimit dhe rrjetet” ka tubuar studiues nga vende të ndryshme të botës, si nga Britania, Franca, SHBA-të, Gjermani, Italia, Hungaria, Greqia dhe shumë vende të tjera”, shtoi David Al Dabas, Drejtori i përgjithshëm i kësaj konference shkencore.

Ndërsa, dekani i Fakultetit të Shkencave Matematike-Natyrore, Prof. Dr.Fauzi Skënderi shprehu mirënjohje për Asociacionin Profesional Botëror të Teknologjisë, për mbështetjen që u jep punimeve të dala nga konferenca. “Konferenca e sotme e bën akoma më madhështore mbështetjen e asociacionit më të madh profesional botëror për progres të teknologjisë, për nevojat e leximit që njihet me emrin Instituti i Inxhinierisë Elektronike dhe Elektrike, i cili do të bëjë lehtësimin dhe licencimin e të gjitha punimeve shkencore të pranuara nga dbordi recensues i konferencës, të cilat më pas do të botohen nga shërbimet ndërkombëtare për publikimin e konferencës”, vlerësoi Prof. Dr.Fauzi Skënderi, dekani i FSHMN-së.

Koordinatori i konferencës, Mr.Sc Festim Halili, studiuesit i njoftoi mbi historikun e qytetit të Tetovës, duke shpalosur edhe agjendën e punimeve të konferencës.  Përndryshe, vlen të theksohet se kjo konferencë për herë të parë organizohet në një universitet të Ballkanit, siç është Universiteti Shtetëror i Tetovës, pasi vite më parë është organizuar në Indi, Britaninë e Madhe, Indonezi, Tailandë dhe Spanjë.
Në USHT i filloi punimet  Konferenca VI  Ndërkombëtare
Në USHT i filloi punimet  Konferenca VI  Ndërkombëtare
Në USHT i filloi punimet  Konferenca VI  Ndërkombëtare
Në USHT i filloi punimet  Konferenca VI  Ndërkombëtare
Në USHT i filloi punimet  Konferenca VI  Ndërkombëtare
Në USHT i filloi punimet  Konferenca VI  Ndërkombëtare

Publikuar: 27.05.2014 | 17:49
Lexuar: 1166 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime